அமெரிக்காவிற்கு அணுசக்தி அச்சுறுத்தல்…!!!

அமெரிக்காவை தாக்கக்கூடிய அளவிலான சக்திவாய்ந்த அணு ஆயுதங்களை பல நாடுகள் உருவாக்கி வருகின்றன.

அமெரிக்க உளவுத்துறை தலைவர் துளசி கப்பார்டு, 2026-ஆம் ஆண்டுக்கான வருடாந்திர அபாய மதிப்பீட்டு அறிக்கையை சென்ட் உளவுத்துறை குழுவில் சமர்ப்பித்துள்ளார்.

இந்த நாடுகள் அணு மற்றும் பாரம்பரிய ஆயுதங்களை ஏவுவதற்கான புதிய, மேம்பட்ட ஏவுகணை தொழில்நுட்பங்களை உருவாக்கி வருவதாக துளசி கப்பார்டு தெரிவித்துள்ளார்.

இவை அமெரிக்காவின் பாதுகாப்பு அமைப்புகளை தாண்டி தாக்கும் திறன் கொண்டவை.

இதனால் அமெரிக்காவிற்கு நேரடி அபாயம் ஏற்படும் சூழல் உருவாகியுள்ளது.

சீனா மற்றும் ரஷ்யாவுடன், வட கொரியா நெருங்கிய உறவை வளர்த்துக்கொண்டு இருப்பது உலக அமைதிக்கு மிகப்பெரிய அச்சுறுத்தலாகும்.

அதேவேளை, அல்கய்தா மற்றும் ISIS போன்ற பயங்கரவாத மைப்புகள் ஆப்பிரிக்கா, மத்திய கிழக்கு மற்றும் தெற்கு ஆசியாவில் இன்னும் வலுவாக செயல்பட்டு வருவதாகவும், அவை அமெரிக்காவின் வெளிநாட்டு நலன்களுக்கு நீடித்த அபாயமாக உள்ளன என்றும் துளசி கப்பார்டு குறிப்பிட்டுள்ளார்.