இலங்கையில் போதைப் பொருள் குற்றவாளிகளுக்கு மரண தண்டனை?

நாட்டின் பொருளாதாரம், சுற்றுலாத்துறை மற்றும் சமூக கட்டமைப்பிற்குப் பெரும் அச்சுறுத்தலாக மாறியுள்ள போதைப்பொருள் குற்றங்களைக் கட்டுப்படுத்தும் நோக்கில், போதைப்பொருள் கடத்தல்காரர்களுக்கு மரண தண்டனை வழங்குவது குறித்து “நாடே ஒன்றுபட்டு” (Ratama Ekata) தேசிய செயற்பாட்டுச் சபையில் கவனம் செலுத்தப்பட்டுள்ளது. ஜனாதிபதி அனுர குமார திசாநாயக்க தலைமையில் ஜனாதிபதி செயலகத்தில் நடைபெற்ற இக்கூட்டத்தில், போதைப்பொருள் வர்த்தகத்தைக் கட்டுப்படுத்தவும், சட்ட நடவடிக்கைகளை விரைவுபடுத்தவும் பல முக்கிய தீர்மானங்கள் எடுக்கப்பட்டன.

இக்கூட்டத்தில், போதைப்பொருள் சட்டத் திருத்தங்களை விரைவாகக் கெஜட் செய்து நாடாளுமன்றத்தில் சமர்ப்பித்தல், அரச பகுப்பாய்வாளர் (Government Analyst) அறிக்கைகளை விரைவுபடுத்தி சந்தேகநபர்களை நீதிமன்றில் ஆஜர்படுத்துதல், சிறைச்சாலைகளின் பாதுகாப்பை பலப்படுத்துதல் மற்றும் பாடசாலை மாணவர்களைப் பாதுகாப்பதற்காக ‘மிතුරු பாசல’ திட்டத்தை தீவிரமாகச் செயற்படுத்துதல் உள்ளிட்ட பல நடவடிக்கைகள் குறித்து விரிவாக ஆராயப்பட்டது.