ICC உலகக் கிண்ண கிரிக்கெட் போட்டிக்கு நெதர்லாந்து தகுதி!

ஐசிசி உலகக் கிண்ண கிரிக்கெட் போட்டியில் இலங்கையுடன் தகுதி பெறப்போகும் 2 வது அணி எது என்பதைத் தீர்மானிக்கும் உலகக் கிண்ண தகுதிகாண் சுப்பர் 6 போட்டியில் நெதர்லாந்து அணி 4 விக்கெட்டுக்கள் வித்தியாசத்தில் வெற்றி பெற்றுள்ளது.

புலாவாயோவில் இன்று (06) நடைபெற்ற போட்டியில் முதலில் துடுப்பெடுத்தாடிய ஸ்கொட்லாந்து அணி 50 ஓவர்கள் நிறைவில் 9 விக்கெட்களை இழந்து 277 ஓட்டங்களை பெற்றது.

ஸ்கொட்லாந்து அணி சார்பாக Brandon McMullen அதிகூடிய ஓட்டங்களாக 106 ஓட்டங்களை பெற்றார்.

பதிலுக்கு துடுப்பெடுத்தாடிய நெதர்லாந்து அணி 42.5 ஓவர்கள் நிறைவில் 6 விக்கெட்களை இழந்து 278 ஓட்டங்களை பெற்று வெற்றி இலக்கை அடைந்தது.

நெதர்லாந்து அணி சார்பாக Bas de Leede அதிகூடிய ஓட்டங்களாக 123 ஓட்டங்களை பெற்றார்.

இதன் அடிப்படையில் ஐசிசி உலகக் கிண்ண கிரிக்கெட் போட்டிக்கு நெதர்லாந்து அணி தகுதி பெற்றுள்ளது.