சவுதியில் முதல் ஷியா பிரிவைச் சேர்ந்தவர் அமைச்சராக பதவியேற்பு!!

சவுதி அரேபியாவில் அமைச்சரவை அமைச்சராக பதவியேற்ற முதல் “ஷியா” பிரிவைச் சேர்ந்தவர் பஹத் பின் அப்துல்ஜலீல் பின் அலி அல்-சைஃப் ஆவார் என சர்வதச ஊடகங்கள் தகவல் வெளியிட்டுள்ளன.

ஷர்கியா மாகாணத்தில் 1976 இல் பிறந்து, கிங் ஃபஹத் பெட்ரோலியம் மற்றும் சுரங்க பல்கலைக்கழகத்தில் தகவல் மேலாண்மையில் பட்டம் பெற்ற அல்-சைஃப், கடன் , முதலீடு மற்றும் சர்வதேச நிதியுதவி ஆகிய துறைகளில் இரண்டு தசாப்தங்களுக்கும் மேலான அனுபவத்தைக் கொண்டுள்ளார், மேலும் 2021 முதல் சவுதி பொது முதலீட்டு நிதியத்தில் உலகளாவிய நிதி மற்றும் முதலீட்டு உத்தியின் முக்கிய பகுதிகளுக்குப் பொறுப்பேற்றுள்ளார்.

அல்-சைஃப், NEOM, ACWA பவர், கல்ஃப் இன்டர்நேஷனல் வங்கி, கிங் அப்துல்லா எகனாமிக் சிட்டி, கிங் சல்மான் விமான நிலைய மேம்பாட்டு நிறுவனம் மற்றும் எதிர்கால முதலீட்டு முயற்சி அறக்கட்டளை போன்ற பல முக்கிய நிறுவனங்களின் உறுப்பினராகவும் தலைவராகவும் இருந்துள்ளார்.