சஹாரா பாலைவனத்தில் பனிப்பொழிவு

அல்ஜீரியாவின் தென்மேற்குப் பகுதியில் உள்ள சஹாரா பாலைவனத்தின் சில பகுதிகளில் வெப்பநிலை உறைநிலைக்குக் கீழே குறைந்ததைத் தொடர்ந்து பனிப்பொழிவு ஏற்பட்டுள்ளது. இதனால் அங்குள்ள செம்மஞ்சள் நிற மணல் குன்றுகள் சிறிது நேரம் வெண்ணிறப் பனியால் மூடப்பட்டிருந்தன.

ஐன் செஃப்ரா (Aïn Séfra) நகருக்கு அருகிலேயே இந்த பனிப்பொழிவு பதிவாகியுள்ளதுடன், இது அங்கிருந்த குடியிருப்பாளர்களையும் சுற்றுலாப் பயணிகளையும் வியப்பில் ஆழ்த்தியுள்ளது.