நித்யானந்தா இறந்து விட்டாரா?

பொதுவெளியில் சாமியார் என்று அறியப்பட்ட நித்தியானந்தா எனும் ராஜசேகரன் கடந்த சில ஆண்டுகளாக பல்வேறு சர்ச்சைகளுக்கு மத்தியில் மறைமுகமாகவே இருந்து வருகிறார்.

அவரைப் பற்றிய பல கேள்விகள் மக்கள் மனதில் எழுந்தாலும், “நித்தியானந்தா உயிரோடு இருக்கிறாரா இல்லையா?” என்ற கேள்வி பிரபல பத்திரிகையாளர் ஒருவர் எழுப்பிய கேள்வி பரபரப்பை ஏற்படுத்தியுள்ளது.

இந்தக் கேள்வி, அவரது தற்போதைய நிலை, கைலாசம் என்று கூறப்படும் புனித பூமி, மற்றும் நடிகை ரஞ்சிதாவின் பங்கு ஆகியவற்றைச் சுற்றி பல சந்தேகங்களைத் தூண்டியுள்ளது.

நித்தியானந்தா, திருவண்ணாமலையைச் சேர்ந்த ராஜசேகரன் என்ற இயற்பெயர் கொண்டவர். இவர் ஒரு சாமியாராக உலகம் முழுவதும் பல லட்சம் பக்தர்களைப் பெற்றவர்.

அவரது பெயரில் பல்வேறு சொத்துக்கள், ஆசிரமங்கள், மற்றும் பணம் இருப்பதாகக் கூறப்படுகிறது. ஆனால், கடந்த ஐந்து ஆண்டுகளுக்கு மேலாக அவர் பொதுவெளியில் தோன்றவில்லை.

மேற்படி பத்திரிகையாளர் தனது பேட்டியில் குறிப்பிடுவது போல, ஒரு காலத்தில் அவரது உடல்நலம் மிகவும் மோசமடைந்திருந்ததாகவும், அதன் பிறகு அவரைப் பற்றிய எந்தத் தகவலும் வெளியாகவில்லை என்றும் தெரிவிக்கிறார்.

முன்பு, நித்தியானந்தாவின் சில வீடியோக்கள் இணையத்தில் வெளியாகி வந்தன. ஆனால், அவை பெரும்பாலும் கிரீன் ஸ்கிரீன் தொழில்நுட்பத்தைப் பயன்படுத்தி பின்னணியை மாற்றி பதிவு செய்யப்பட்டவை என்ற சந்தேகம் எழுந்தது.

கடந்த ஒரு வருடமாக அப்படியான வீடியோக்களும் வெளியாகவில்லை. அவரது சமீபத்திய புகைப்படங்கள் அல்லது நேரடி தோற்றம் எதுவும் பொதுவெளியில் இல்லாத நிலையில், அவர் உயிரோடு இருக்கிறாரா என்ற கேள்வி பலரது மனதிலும் எழுகிறது.

நித்தியானந்தா தான் ஒரு தனி நாட்டை உருவாக்கியதாகவும், அதற்கு “கைலாசம்” என்று பெயர் சூட்டியதாகவும் 2019ஆம் ஆண்டு அறிவித்தார். இந்த நாட்டிற்கு தனி கொடி, பாஸ்போர்ட், நாணயம் உள்ளதாகவும், அவர் அதன் அதிபராக இருப்பதாகவும் கூறினார்.

ஆனால், இந்த கைலாசம் எங்கு இருக்கிறது என்பது இன்று வரை மர்மமாகவே உள்ளது. சிலர் இதை ஒரு தீவு என்று கூறினாலும், அதற்கான எந்த ஆதாரமும் வெளியிடப்படவில்லை.

மேலும், குறித்த பத்திரிகையாளர் முன்வைக்கும் மற்றொரு முக்கிய கேள்வி என்னவெனில், நித்தியானந்தாவின் உடல்நலம் மோசமடைந்த பிறகு அவருக்கு எங்கு சிகிச்சை அளிக்கப்பட்டது? ஒரு தனித்தீவில் மருத்துவ வசதிகள் இல்லாத நிலையில், அவர் எப்படி மீண்டு வந்திருக்க முடியும்? இல்லையெனில், அவரை அவரது சீடர்கள் ஜீவசமாதியில் அடக்கி, அவரது சொத்துக்களையும் பணத்தையும் அனுபவித்து வருகிறார்களா? இது ஒரு பரபரப்பான கருத்தாக இருந்தாலும், இதற்கு ஆதாரம் இல்லாததால், இது வெறும் ஊகமாகவே உள்ளது.

நித்தியானந்தா மீது இந்தியாவில் பல்வேறு குற்றச்சாட்டுகள் உள்ளன. பாலியல் வன்கொடுமை, கடத்தல் உள்ளிட்ட வழக்குகளில் அவர் தலைமறைவு குற்றவாளியாக அறிவிக்கப்பட்டுள்ளார்.

ஆனால், அவர் எங்கு இருக்கிறார் என்று தெரியாத நிலையில், ரஞ்சிதா முன்னிலைப்படுத்தப்படுகிறார். “கைலாசத்தின் பிரதமர்” என்று அவர் கூறுவது, நித்தியானந்தாவின் இடத்தை அவர் பிடித்திருக்கிறார் என்று புரிந்து கொள்ளலாமா? அப்படியென்றால், நித்தியானந்தாவின் நிலை என்ன? சேகுவேரா, நித்தியானந்தா காணாமல் போனதாக வழக்கு பதிவு செய்து, ரஞ்சிதாவை கைது செய்து விசாரிக்க வேண்டும் என்று வலியுறுத்துகிறார்.

ஒரு பிரபலமான நபர், பலரால் அறியப்பட்ட ஒருவர், இப்படி திடீரென மறைந்து போவது சாதாரண விஷயமல்ல என்கிறார் அவர். இது சமூகத்தில் பெரும் அதிர்வலைகளை ஏற்படுத்தியுள்ளது.