பற்றியெரியும் நான்கு கப்பல்கள்: அமெரிக்காவின் மற்றுமொரு ட்ரோன் வீழ்த்தப்பட்டது

ஹோர்முஸ் நீரிணைக்குத் தெற்கே தடைசெய்யப்பட்ட பாதையின் வழியாகச் செல்ல முயன்ற நான்கு எண்ணெய் டேங்கர் கப்பல்கள், கடற்படை கண்ணிவெடிகளில் மோதி அழிக்கப்பட்டன அத்துடன் விதிமீறலில் ஈடுபட்ட இரண்டு கப்பல்களைத் தடுத்து நிறுத்தியதாகவும், அமெரிக்காவின் MQ-9 ரக ட்ரோன் ஒன்றை (இதுவரை வீழ்த்தப்பட்டவற்றில் 56-வது) சுட்டு வீழ்த்தியதாகவும் இஸ்லாமிய புரட்சி பாதுகாப்புப் படை (IRGC) அறிவித்துள்ளது.

இன்று (04.11)புதன்கிழமை காலை வெளியிடப்பட்ட அறிக்கையில், ஐ.ஆர்.ஜி.சி-யின் பொதுத் தொடர்பு அலுவலகம், தங்களின் கடற்படை மற்றும் விண்வெளிப் படை ஆகியவை எதிரிக்குக் கடுமையான பதிலடியைக் கொடுத்துள்ளதாகத் தெரிவித்துள்ளது.

“ஹோர்முஸ் நீரிணைக்குத் தெற்கே தடைசெய்யப்பட்ட பாதையின் வழியாகச் செல்ல முயன்ற நான்கு எண்ணெய் டேங்கர் கப்பல்கள், கடற்படை கண்ணிவெடிகளில் மோதி அழிக்கப்பட்டன; அவை தற்போது தீப்பிடித்து எரிந்துகொண்டிருக்கின்றன. மேலும், விதிமீறலில் ஈடுபட்ட மற்ற இரண்டு கப்பல்கள் தடுத்து நிறுத்தப்பட்டுள்ளன.”

மேலும் அந்த அறிக்கையில், “இதற்கு மேலாக, ஐ.ஆர்.ஜி.சி விண்வெளிப் படையின் வான் பாதுகாப்புப் பிரிவினர், மிகவும் நுணுக்கமான ஒரு நடவடிக்கையின் மூலம், நவீன வான் பாதுகாப்பு அமைப்பைப் பயன்படுத்தி, இன்று அதிகாலை 4:30 மணிக்கு (உள்ளூர் நேரம்) ஹோர்முஸ் நீரிணைக்கு மேல் பறந்துகொண்டிருந்த MQ-9 ட்ரோன் ஒன்றைச் சுட்டு வீழ்த்தினர். இது இத்தகைய ரகத்தைச் சேர்ந்த ட்ரோன்களில் 56-வது ஆகும்.”