“Trump Gold Card“ திட்டத்தை அறிமுகப்படுத்திய டிரம்ப்,,,!!!

டிரம்ப் தங்க அட்டை என்ற புதிய குடிவரவு நடைமுறையை அமெரிக்க ஜனாதிபதி டொனால்ட் டிரம்ப் அறிமுகப்படுத்தியுள்ளார்.

டிரம்ப் தங்க அட்டை(Trump Gold Card)

அமெரிக்க ஜனாதிபதி டொனால்ட் டிரம்ப் புதிய குடிவரவு தொடர்பான டிரம்ப் தங்க அட்டை(Trump Gold Card) திட்டத்தை அதிகாரப்பூர்வமாக அறிவித்துள்ளார்.

இந்த திட்டம் செல்வந்தர்களுக்கு அமெரிக்காவில் நிரந்தர வதிவிடத்தையும், குடியுரிமையையும் எளிமையான முறையில் வழங்கும் நோக்கம் கொண்டதாக உருவாக்கப்பட்டுள்ளது.

இந்த திட்டத்தின் கீழ் அமெரிக்காவின் குடியுரிமையை பெற விரும்பும் நபர்கள், குறைந்தபட்சம் $1மில்லியன் அமெரிக்க டொலர்கள் அமெரிக்காவில் முதலீடு செய்ய தயாராக இருக்க வேண்டும்.

டிரம்ப் தங்க அட்டை திட்டம் தொடர்பாக புதன்கிழமை சமூக ஊடக பக்கத்தில் வெளியிட்ட தகவலில், தகுதியுடைய மற்றும் ஆய்வு செய்யப்பட்ட நபர்களுக்கு நேரடி குடியுரிமை பாதையை இது ஏற்படுத்தி தருவதாகவும், அமெரிக்காவின் சிறந்த நிறுவனங்கள் இந்த திட்டத்தின் மூலம் தங்கள் திறமைகளை தக்கவைத்துக் கொள்ள முடியும் என்றும் குறிப்பிட்டுள்ளார்.