அமெரிக்க – இஸ்ரேலுக்கு எதிராக ஈரானின் புதிய ஆயுதம்

அமெரிக்க – இஸ்ரேலியப் படைகளுக்கு எதிரான போரில், எதிரிகள் பெரிதும் அஞ்சக்கூடியதும், அவர்களுக்கு மாரடைப்பையே ஏற்படுத்தக்கூடியதுமான ஒரு புதிய ஆயுதத்தைப் பயன்படுத்தப்போவதாக ஈரான் மிரட்டல் விடுத்துள்ளது.

அமெரிக்க முற்றுகையை நீக்குவதற்கு ஈடாக ஹார்முஸ் நீரிணையை மீண்டும் திறக்கலாம் என்ற ஈரானின் நிபந்தனையை அமெரிக்க ஜனாதிபதி டோனல்ட் ட்ரம்ப் நிராகரித்ததைத் தொடர்ந்து இந்த எச்சரிக்கை விடுக்கப்பட்டுள்ளது.

ஆனால் அமெரிக்காவின் நிபந்தனைகளுக்கு உட்பட்டு ஈரான் ஒரு ஒப்பந்தத்தை எட்டும் வரையில் ஹார்முஸ் நீரிணைக்கு அருகே அமெரிக்க கடற்படை முற்றுகையைத் தொடர முடிவு செய்யப்பட்டுள்ளது.

மட்டுமின்றி, ஹார்முஸ் வழியாக நடைபெறும் ஈரானிய எண்ணெய் வர்த்தகத்தைத் தடுப்பதன் மூலம் பொருளாதார அழுத்தத்தைப் பயன்படுத்தி, ஈரானைப் பேச்சுவார்த்தைக்கு வரவழைப்பதற்கான ட்ரம்ப் நிர்வாகத்தின் உத்தியையும் அவர் கேலி செய்தார்.

எதிரிகளின் அந்த அனுமானமே தற்போது இராணுவக் கல்விக்கூடங்களில் கேலிக்கூத்தாக மாறிவிட்டது என்றார். இதனிடையே, எதிரிகள் பயத்தில் அலறுவார்கள் என பெருமை பேசப்பட்ட அமெரிக்க விமானம் தாங்கி கப்பலான ஆபிரகாம் லிங்கனுக்கு எதிராக ஈரானியப் படைகள் குறைந்தது ஏழு ஏவுகணைத் தாக்குதல்களை நடத்தியுள்ளதாகவும் இரானி கூறியுள்ளார்.

இரானியின் கருத்தின் அடிப்படையில், தொடர்புடையத் தாக்குதல் ஒரு குறிப்பிட்ட காலத்திற்கு, அந்த விமானம் தாங்கி கப்பலிலிருந்து அமெரிக்காவை விமானங்களை ஏவவோ அல்லது வான்வழி நடவடிக்கைகளை மேற்கொள்ளவோ ​​விடாமல் தடுத்தது எனவும் குறிப்பிட்டுள்ளார்.

இதன் அடுத்த கட்டமாக, ஹார்முஸ் நீரிணையில் கப்பல் போக்குவரத்து ஸ்தம்பிக்க வைத்ததும் அமெரிக்க – இஸ்ரேல் தரப்புக்கு அளிக்கப்பட்ட மிகப்பெரிய அழுத்தம் என்றும் ஈரான் தெரிவித்துள்ளது.

இதனையடுத்தே அமெரிக்கப் படைகள் அப்பிராந்தியத்தில் ஈரானியக் கப்பல்களையும் துறைமுகங்களையும் முற்றுகையிட்டன. ஆனால், இன்னும் எதிரிகள் அப்பிராந்தியத்தில் நெருங்கினால், நாங்கள் தாமதமின்றிச் செயல்முறை நடவடிக்கைகளை மேற்கொள்வோம் எனவும் தளபதி ரியர் அட்மிரல் ஷாஹ்ராம் இரானி தெரிவித்துள்ளார்.