ஆட்டோ ஆரம்ப கட்டணம் 100 ரூபா நிர்ணயம்!

எரிபொருள் விலையேற்றத்தையடுத்து, போக்குவரத்து கட்டணத்தை அதிகரிப்பதற்கும் தீர்மானிக்கப்பட்டுள்ளது.

இதன்படி ஆட்டோவுக்கான ஆரம்ப கட்டணமாக 100 ரூபா நிர்ணயிக்கப்பட்டுள்ளது. ஆட்டோ ஆரம்பக்கட்டணம் 20 ரூபாவால் அதிகரிக்கப்பட்டுள்ளது.

ஆரம்ப கிலோ மீற்றருக்கு அடுத்தப்படியாக, பயணிக்கும் ஒவ்வொரு கிலோமீற்றருக்கும் 80 ரூபா விதம் அறவிட தீர்மானிக்கப்பட்டுள்ளது என அகில இலங்கை ஆட்டோ சாரதிகள் சங்கம் தெரிவித்துள்ளது.

பாடசாலை போக்குவரத்து கட்டணம், வாடகை வண்டி சேவை உள்ளிட்ட மேலும் சில போக்குவரத்து சேவை கட்டணங்களும் எகிறவுள்ளன.