இந்திய அணி அபார வெற்றி!

உலகக்கிண்ண ரி20 போட்டியில் இன்று இடம்பெற்ற போட்டியில் இந்தியா அணி 9 விக்கெட்டுக்கள் வித்தியாசத்தில் நமீபியா அணியை வீழ்த்தியுள்ளது.

போட்டியில் நாணய சுழற்சியில் வெற்றிப்பெற்ற இந்திய அணி நமீபியா அணியை முதலில் துடுப்பெடுத்தாட பணித்தது.

அதன்படி, முதலில் துடுப்பெடுத்தாடிய நமீபியா அணி நிர்ணயிக்கப்பட்ட 20 ஓவர்கள் நிறைவில் 8 விக்கெட்டுக்களை இழந்து 132 ஓட்டங்களைப் பெற்றுக் கொண்டது.

அவ்வணி சார்பில் டேவிட் விஸ் 26 ஓட்டங்களை அதிகபட்சமாக பெற்றுக் கொண்டார்.

பந்து வீச்சில் ரவிச்சந்திரன் அஷ்வின் மற்றும் ரவீந்திர ஜடேஜா ஆகியோர் தலா 3 வீக்கெட்டுக்களை வீழ்த்தினர்.

இந்நிலையில் பதிலுக்கு துடுப்பெடுத்தாடிய இந்திய அணி 15.2 ஓவர்களில் ஒரு விக்கெட்டை மாத்திரம் இழந்து வெற்றி இலக்கை அடைந்தது.

இந்திய அணி சார்பில் ரோஹிட் சர்மா 56 ஓட்டங்களையும், கேஎல் ராஹுல் 54 ஓட்டங்களையும் அதிகபட்சமாக பெற்றுக் கொண்டனர்.