இலங்கையின் சில்லறை வர்த்தகத்தின் எதிர்காலத்திற்கு சக்தியூட்டும் Blue Yonder இன் அறிவாற்றல் தீர்வுகள்

 

ஹேலீஸ் குழுமத்தின் (Hayleys Group) அங்கத்துவ நிறுவனமான Hayleys Retail Holdings Ltd, Blue Yonder தளத்தின் மூலம் தனது பல்பொருள் அங்காடி வர்த்தகத்தை ஆரம்பித்து விரிவுபடுத்தவுள்ளது.

இலங்கையில் தனது பல்பொருள் அங்காடி வர்த்தகத்தை ஆரம்பம் முதல் கட்டியெழுப்புவதற்காக, செயற்கை நுண்ணறிவு (AI) மற்றும் ஒருங்கிணைக்கப்பட்ட விநியோகச் சங்கிலித் தொழில்நுட்பத்துடன் கூடிய Blue Yonder தளத்தைத் தெரிவு செய்துள்ளதாக Hayleys Retail Holdings Ltd நிறுவனம் இன்று அறிவித்துள்ளது.இலங்கை முழுவதும் உள்ள நுகர்வோருக்கு நம்பகமான சேவையையும் அதிக வசதிகளையும் வழங்கும் நோக்கில், எதிர்காலத்தில் பல பல்பொருள் அங்காடிகளைத் திறக்க Hayleys Retail திட்டமிட்டுள்ளது. இலங்கையில் Blue Yonder நிறுவனத்தின் முதலாவது சில்லறை வர்த்தக வாடிக்கையாளர் என்ற பெருமையையும் Hayleys Retail Holdings Ltd பெற்றுள்ளது.

ஹேலீஸ் என்பது பொதுப்பங்குகளைக் கொண்ட ஒரு பன்னாட்டு கூட்டு நிறுவனமாகும். இது ஐந்து கண்டங்களில் உள்ள 17 வர்த்தகத் துறைகளில் செயல்பாடுகளைக் கொண்டுள்ளதோடு, இலங்கையின் ஏற்றுமதி வருமானத்தில் சுமார் 5%-க்கு பங்களிப்பு செய்கிறது. மளிகைத் துறையில் ஒரு புதிய தொடக்கத்துடன் களமிறங்கும் இந்நிறுவனம், ஆரம்ப நாளில் தேவைப்படும் பயன்பாடுகளுக்கு  அப்பால், எதிர்காலத்தில் இந்த வர்த்தகத்தை  பெரிய அளவில் எவ்வாறு இயக்க வேண்டும் என்பதை நோக்கமாகக் கொண்டு சிந்தித்துள்ளது. இதற்காக ப்ளூ யாண்டர் நிறுவனத்தை அது மூன்று காரணங்களுக்காகத் தேர்ந்தெடுத்துள்ளது:

இந்தச் செயலாக்கம் ப்ளூ யாண்டர் வர்த்தக செயற்பாடுகள் மூலம் தொடங்குகிறது. இது Hayleys Retailற்கு பொருட்கள், விநியோகஸ்தர்கள், செலவுகள் மற்றும் விலை நிர்ணயத் தரவுகளுக்கான ஒரே நம்பகமான தகவல் ஆதாரத்தையும்,   பிராந்தியம் மற்றும் விற்பனை வலையமைப்பு மட்டங்களில் சீரான செயல்பாட்டை உறுதிசெய்வதற்கான செயல்பாட்டு ஒழுங்கையும் வழங்குகிறது. வர்த்தகம்  விரிவடையும்போது, இலங்கையின் மளிகைப் பொருட்கள் சந்தையை வடிவமைக்கும் சிங்கள மற்றும் தமிழ் புத்தாண்டு, ரமழான் மற்றும் கிறிஸ்துமஸ் காலங்கள்  உட்பட, தேவைக்கு ஏற்ப சரக்கிருப்பைப் பராமரிப்பதற்காக ப்ளூ யாண்டர் அலோகேஷன் அண்ட் ரீப்ளெனிஷ்மென்ட் இயந்திரக் கற்றல் அடிப்படையிலான தேவை முன்னறிவிப்பைப் பயன்படுத்தும். ஒவ்வொரு திறனும் ப்ளூ யாண்டர் தளத்தில் இயங்குவதால், Hayleys Retailற இணைக்கும் ஒவ்வொரு தீர்வும் அதே தரவுகளையும் அதே செயற்கை நுண்ணறிவுத் தொழில்நுட்பத்தையும் பயன்படுத்துகிறது. இதனால், வர்த்தகம்  வளர வளர அதன் செயல்திறனும் நுண்ணறிவும் மேம்படுகின்றன.

“சில்லறை வர்த்தகத்தை  அடித்தளத்திலிருந்து உருவாக்குவது, தொழில்நுட்பத்தையும் வாடிக்கையாளரையும் எங்கள் உத்தியின் மையத்தில் நிலைநிறுத்துவதற்கான தனித்துவமான வாய்ப்பை எங்களுக்கு வழங்கியுள்ளது,” என்று ஹேலீஸ் பிஎல்சியின் தலைவரும் பிரதம நிறைவேற்று  அதிகாரியுமான திரு. மொகான்  பண்டிதகே தெரிவித்தார். “எமது வாடிக்கையாளர்களுக்கு அன்றாட ஷொப்பிங் அனுபவத்தை எளிதாகவும், எளிமையாகவும், வசதியாகவும், மேலும் பயனுள்ளதாகவும் மாற்றுவதன் மூலம் அதனை மறுவரையறை செய்வதே எங்கள் இலட்சியமாகும். ப்ளூ யாண்டருடனான எமது கூட்டுறவின் மூலம், எமது  சில்லறை வர்த்தகச் செயல்பாடுகளின் அடித்தளத்திலேயே செயற்கை நுண்ணறிவு சார்ந்த நுண்ணறிவுத் திறன்களை ஒருங்கிணைத்து வருகிறோம். இதன் மூலம், சரியான பொருட்கள் சரியான நேரத்தில் கிடைப்பதை உறுதிசெய்வதுடன், ஒவ்வொரு கடையிலும் தடையற்ற மற்றும் சீரான ஷொப்பிங் அனுபவத்தை வழங்கவும் எம்மால்  முடிகிறது. எதிர்காலத் தேவைகளுக்குத் தயாரான சில்லறை வர்த்தகத்தை  உருவாக்குவதில் இந்தக் கூட்டாண்மை ஒரு முக்கியமான படியாகும்.”

 

Blue Yonder மூலம், Hayleys Retail  பின்வருவனவற்றை  மேற்கொள்ள  முடியும்:

• ஒரே AI-க்குத் தயாரான தரவு அடித்தளத்திலிருந்து வர்த்தகப் பொருட்கள் முகாமைத்துவம், சரக்கிருப்பு மற்றும் விற்பனை அலமாரி ஆகியவற்றில் ஒருங்கிணைந்த முடிவுகளை எடுக்க முடியும்.

 

• உண்மையான விற்பனை, உள்ளூர் பருவகாலத் தன்மைகள், மாறிவரும் சந்தை நிலைமைகள் மற்றும் நிகழ்நேரக் கட்டுப்பாடுகள் ஆகியவற்றின் அடிப்படையில் தேவையைத் துல்லியமாகக் கணித்து, சரக்கிருப்பை மறுசீரமைக்க முடியும்.
• ஆரம்பத்திலேயே சிக்கல்களைக் கண்டறியவும், அடுத்ததாக மேற்கொள்ள வேண்டிய சிறந்த நடவடிக்கையைப் பரிந்துரைக்கவும், வளர்ந்து வரும் தனது விற்பனை நிலைய வலையமைப்பு முழுவதும் முன்கூட்டியே வரையறுக்கப்பட்ட வழக்கமான முடிவுகளைத் தானியக்கமாக்கவும் AI முகவர்களைப் பயன்படுத்த முடியும்.
• தளத்தை மாற்றியமைக்காமல், புதிய திறன்களைச் சேர்த்துக்கொண்டு, தனது முதலாவது விற்பனை நிலையத்தில் இருந்து தேசிய அளவிலான வலையமைப்பாக விரிவடைய ஒரே தளத்தைப் பயன்படுத்த முடியும்.

 

Blue Yonder நிறுவனத்தின் ஆசிய பசுபிக் பிராந்தியத் தலைவர் அன்டோனியோ பொக்கலான்ட்ரோ (Antonio Boccalandro) கருத்துத் தெரிவிக்கையில்:“முதலாவது விற்பனை நிலையத்தைத் திறப்பதற்கு முன்னரே தமது வர்த்தகச் செயற்பாட்டு மாதிரியைத் தெரிவு செய்யும் வாய்ப்பு மிகச் சில சில்லறை வர்த்தக நிறுவனங்களுக்கே கிடைக்கிறது. Hayleys Retail நிறுவனம், செயற்கை நுண்ணறிவை (AI) மேலதிக வசதியாகப் பயன்படுத்துவதற்குப் பதிலாக, அதன் அடிப்படைச் செயற்பாட்டுக் கட்டமைப்பாகவே தெரிவு செய்துள்ளது. வர்த்தகப் பொருட்கள் முகாமைத்துவத்தின் முக்கிய செயற்பாடுகளில் ஒருங்கிணைக்கப்பட்ட தரவுகள் மற்றும் தன்னியக்கச் செயற்கை நுண்ணறிவு (Agentic AI) தொழில்நுட்பம் ஆகியவற்றை உள்ளடக்கியுள்ளதுடன், வர்த்தகம்  வளர்ச்சியடையும் போது அதற்கேற்ப கற்றுக்கொண்டு மேம்படும் திட்டமிடல் முறையையும் இது கொண்டுள்ளது. எமது Cognitive Solutions மற்றும் Blue Yonder Platform ஆகியவற்றின் மூலம் வழங்குவதற்காகவே இத்தகைய தொழில்நுட்பத் தீர்வுகளை நாம் உருவாக்கியுள்ளோம்.

இலங்கையின் மிகப்பெரிய மற்றும் பல்துறை வர்த்தகக் கூட்டு நிறுவனமான Hayleys PLC இன் அங்கத்துவ நிறுவனமான Hayleys Retail, நவீன பல்பொருள் அங்காடி வர்த்தகத்தை உருவாக்கும் பயணத்தில் அதற்கு ஆதரவளிப்பதிலும், தெற்காசியப் பிராந்தியத்தில் எமது இருப்பை விரிவுபடுத்துவதிலும் நாம் பெருமையடைகிறோம்” எனத் தெரிவித்தார்.

 

மேலதிக  வளங்கள்:

• Blue Yonder தளத்தைப் பற்றி மேலும் அறியவும்
• மளிகைப் பொருட்கள் மற்றும் கன்வீனியன்ஸ் துறைக்கான Blue Yonder-இன் தீர்வுகளைப் பற்றி மேலும் அறியவும்
• Blue Yonder’s AI திறன்களைப் பற்றி மேலும் அறியவும்

 

Hayleys பற்றி

148 ஆண்டுகால வரலாற்றைக் கொண்ட, நோக்கத்தை அடிப்படையாகக் கொண்டு செயல்படும் நிறுவனமான Hayleys, இலங்கையின் மிகப்பெரிய நிறுவனங்களில் ஒன்றாகும். 80 நாடுகளில் சர்வதேச இருப்பை விரிவுபடுத்தியுள்ளதுடன், 17 பல்வேறு வர்த்தகத் துறைகளிலும் செயல்பட்டு வருகிறது. நாட்டின் சமூகப் பொருளாதாரத்தில் மிகப்பெரிய தாக்கத்தை ஏற்படுத்தும் நிறுவனங்களில் ஒன்றாகத் திகழும் ஹேலீஸ் உலகெங்கிலும் உள்ள வாடிக்கையாளர்களுக்கு பெறுமதியை வழங்குவதோடு, உலகளாவிய சவால்களுக்குத் தீர்வுகாணவும் உதவுகிறது.

 

Blue Yonder பற்றி

“Blue Yonder” என்பது Blue Yonder Group, Inc. நிறுவனத்தின் வர்த்தக சின்னம்  அல்லது பதிவுசெய்யப்பட்ட வர்த்தக சின்னமாகும்.. “Blue Yonder” என்ற பெயரைப் பயன்படுத்தி இந்த ஆவணத்தில் குறிப்பிடப்படும் எந்தவொரு வர்த்தகம், தயாரிப்பு அல்லது சேவைப் பெயரும் Blue Yonder Group, Inc. நிறுவனத்தின் வர்த்தக சின்னம்  மற்றும்/அல்லது சொத்தாகும். மற்ற அனைத்து நிறுவன மற்றும் தயாரிப்புப் பெயர்களும் அவை தொடர்புடைய நிறுவனங்களின் வர்த்தக சின்னங்கள் , பதிவுசெய்யப்பட்ட வர்த்தக சின்னங்கள்  அல்லது சேவை சின்னங்களாக இருக்கலாம்.