உலகப் போருக்குத் தயாராகி வரும் ஐரோப்பா!!!!!

மூன்றாம் உலகப் போருக்கான ஆயத்த நடவடிக்கைகளை மொத்த ஐரோப்பிய நாடுகளும் முன்னெடுக்கத் தொடங்கியுள்ளதாகவே தகவல் கசிந்துள்ளது.

அத்துடன், ரஷ்ய படையெடுப்பில் இருந்து தப்பிக்க கட்டாய இராணுவச் சேர்க்கை திட்டங்களும் முன்மொழியப்பட்டு வருகிறது.

கிழக்கு ஐரோப்பாவிலிருந்து நேட்டோவை வெளியேற்றி ரஷ்ய சாம்ராஜ்யத்தை மீண்டும் கட்டியெழுப்புவதற்கான ஒரு போரில் விளாடிமிர் புடின் சில ஆண்டுகள் தொலைவில் உள்ளார் என்ற அச்சமே ஐரோப்பா கண்டத்தை அவசர அவசரமாக வலுப்படுத்த வேண்டிய கட்டாயத்திற்கு தள்ளியுள்ளது.

மேலும் ரஷ்யாவுடன் ஒரு பெரிய அளவிலான போருக்கு ஐரோப்பிய நாடுகள் தயாராக வேண்டும் என்று ஆணையம் கூறியுள்ளது. மட்டுமின்றி, ஐரோப்பிய நாடுகள் தங்கள் குடிமக்களை ஒரு கொடூரமான போருக்கு தயார்படுத்தும் நடவடிக்கைகளை ரகசியமாகத் துவங்கியுள்ளன.

மட்டுமின்றி, ஆறு லிற்றர் தண்ணீர், பதப்படுத்தப்பட்ட உணவு, பேற்றரிகள் மற்றும் அடிப்படை மருத்துவப் பொருட்கள் உள்ளிட்ட அத்தியாவசியப் பொருட்களுடன் உயிர்வாழும் கருவியை எவ்வாறு உருவாக்குவது என்பது குறித்த உதவிக்குறிப்புகளும் இதில் இணைக்கப்பட்டுள்ளது.

இதனிடையே, பிரான்சின் அணு ஆயுதங்களின் பாதுகாப்பு அரணில் ஜேர்மனி கொண்டுவரப்படும். ஜேர்மனி மீது தாக்குதல் தொடுக்கப்பட்டால், பிரான்ஸ் பதிலடி அளிக்கும். போலந்தும் தற்போது பிரான்சின் பாதுகாப்பு வட்டத்தைக் கோரியுள்ளது, பிரான்சும் அனுமதி அளிக்கும் என்றே நம்பப்படுகிறது.

ரஷ்யாவுடன் முழுமையான போர் வெடித்தால், ஜேர்மனி 200,000 இராணுவ வாகனங்களையும் 800,000 நேட்டோ துருப்புக்களையும் அதன் எல்லை முழுவதும் நகர்த்தத் தயாராக இருப்பதாகவும் கூறப்படுகிறது.

இதனிடையே, ஐரோப்பிய ஒன்றியம் தனது படைகளை மீண்டும் கட்டியெழுப்பவும் உக்ரைனை ஆதரிக்கவும் ஒரு மகத்தான செலவினத் திட்டத்தையும் தொடங்கியுள்ளது. பாதுகாப்புக்கு என ஐரோப்பிய ஒன்றியம் சுமார் 800 பில்லியன் யூரோ தொகையை செலவிட முடிவு செய்துள்ளது குறிப்பிடத்தக்கது.