என் பயிற்சிக்காக அப்பா 30 கி.மீ. சைக்கிள் மிதிப்பார் முகமது ஷமி நெகிழ்ச்சி!

200 விக்கெட்டுகள் வீழ்த்தி இருப்பது மகிழ்ச்சி அளிப்பதாக தெரிவித்த முகமது ஷமி, தாம் ஒரு கிரிக்கெட் வீரராக சாதித்தற்கு என் தந்தையே காரணம் என்று தெரிவித்தார்.

இந்திய கிரிக்கெட் அணியின் வேகப்பந்து வீச்சாளர் முகமது ஷமி, டெஸ்ட் கிரிக்கெட்டில் குறைந்த பந்துகளில் 200 விக்கெட்டுகளை கைப்பற்றிய இந்திய பவுலர் என்ற சாதனையை படைத்துள்ளார். இந்திய அணிக்காக மொத்தம் 55 டெஸ்ட் போட்டிகளில் விளையாடி இந்த சாதனையை படைத்துள்ளார் ஷமி.

இந்த நிலையில், 200 விக்கெட்டுகள் வீழ்த்தி இருப்பது மகிழ்ச்சி அளிப்பதாக தெரிவித்த முகமது ஷமி, தாம் ஒரு கிரிக்கெட் வீரராக சாதித்தற்கு என் தந்தையே காரணம் என்று தெரிவித்தார்.

தொடர்ந்து பேசிய அவர், ”இன்று நான் இருக்கும் இந்த நிலைக்கு உருவாக்கி விட்டவர் என் அப்பா. வசதிகள் அதிகம் இல்லாத, இன்றும் அனைத்து வசதிகளும் இல்லாத கிராமத்தில் இருந்து வருகிறேன். என்னை பயிற்சிக்கு அழைத்துச் செல்ல அப்பா 30 கி.மீ சைக்கிள் ஓட்டுவார். அந்த கடினமான நாட்களை நான் இன்னமும் நினைவில் வைத்திருக்கிறேன்.

நீங்கள் செய்யக்கூடியது கடினமாக உழைக்க வேண்டும், நீங்கள் கடினமாக உழைத்தால் சிறந்த முடிவுகளைப் பெறுவீர்கள். டெஸ்ட் மேட்ச் என்பது ராக்கெட் விஞ்ஞானம் அல்ல. நீங்கள் ஒரு டெஸ்ட் லெவல் பந்துவீச்சாளராக இருந்தால், உங்கள் நீளத்தை நீங்கள் அறிந்து கொள்ள வேண்டும். மேலும் நிலைமைகள் பற்றிய யோசனையும் இருக்க வேண்டும். அதற்கேற்ப மாற்றியமைக்க வேண்டும்” என்று அவர் முகமது ஷமி கூறினார்.