ஓரினச்சேர்கையாளருடன் ஜாக்கி சானின் மகளுக்கு டும்..டும்…டும்…!

சுயபாலின காதலால் 31 வயது கனடா நாட்டுப் பெண்ணை திருமணம் செய்துகொண்ட அதிரடி மன்னன் ஜாக்கி சான் மகள் எட்டா என்ஜி(19) ஹாங்காங் நகருக்கு திரும்பியுள்ளார்.

அதிரடி ஆக்‌ஷன் படங்களின் மூலம் உலகளாவிய ரசிகர் பட்டாளத்தை கவர்ந்திழுத்தவர் நடிகர் ஜாக்கி சான். ஹாங்காங் அழகு ராணி பட்டம்பெற்ற எலைன் என்ஜி யி லீய் என்ற பெண்ணுடன் கடந்த 1999-ம் ஆண்டுவாக்கில் நெருக்கமான தொடர்பு வைத்திருந்தார். இந்த உறவின் மூலம் பிறந்த ஒரே பெண் குழந்தையான எட்டா என்ஜி சோக் லாம் என்பவருக்கு தற்போது 19 வயதாகிறது.

ஓரினச்சேர்க்கையில் ஆர்வம் கொண்ட எட்டா என்ஜி, கடந்த ஆண்டில் கனடா நாட்டை சேர்ந்த அன்டி ஆட்டம் என்ற 31 வயது பெண்ணின்மீது காதல்வசப்பட்டார். ஓராண்டாக கனிந்துவந்த இவர்களின் காதல் தற்போது திருமணத்தில் முடிந்துள்ளது.

கனடா நாட்டில் இவர்கள் திருமணம் செய்து கொண்டதாக நவம்பர் 8-ம் தேதி அந்நாட்டு அரசு இவர்களுக்கு திருமண சான்றிதழ் அளித்துள்ளது. இந்நிலையில், இந்த தம்பதியர் ஹாங்காங் நகருக்கு வந்துள்ளனர்.