கடற்கொள்ளையில் ஈடுபடும் ட்ரம்ப் நிர்வாகம்… ரஷ்யா கடும் தாக்கு

மட்டுமின்றி, வெனிசுலா தொடர்பில் பதற்றத்தைக் குறைக்க ரஷ்யா தொடர்ந்து வாதிட்டு வருகிறது என்றும் அவர் தெரிவித்துள்ளார். அத்துடன், அமெரிக்க ஜனாதிபதி ட்ரம்பின் நடைமுறைவாதமும் பகுத்தறிவும், சர்வதேச சட்ட நெறிமுறைகளின் கட்டமைப்பிற்குள், சம்பந்தப்பட்ட தரப்பினருக்கு பரஸ்பரம் ஏற்றுக்கொள்ளக்கூடிய தீர்வுகளைக் கண்டறிய வழிவகுக்கும் என்று ரஷ்யா நம்புவதாகவும் அவர் தெரிவித்துள்ளார்.

மட்டுமின்றி, இறையாண்மை மற்றும் தேசிய நலன்களைப் பாதுகாப்பதையும், வென்சுலா நாட்டின் நிலையான மற்றும் பாதுகாப்பான வளர்ச்சியைப் பராமரிப்பதையும் நோக்கமாகக் கொண்ட நிக்கோலஸ் மதுரோவின் அரசாங்கத்தின் முயற்சிகளுக்கு ரஷ்யாவின் ஆதரவை நாங்கள் உறுதிப்படுத்துகிறோம் என்றும் Maria Zakharova தெரிவித்துள்ளார்.

முன்னதாக வெனிசுலாவில் இருந்து புறப்படும் எண்ணெய் கப்பல்களை அமெரிக்கா முற்றுகையிட்டுக் கைப்பற்றிவரும் நிலையில், அமெரிக்காவிடம் சிக்காமல் இருக்க கெல்லி என்ற மிகப்பெரிய எண்ணெய் கப்பல் மீண்டும் வெனிசுலா துறைமுகத்திற்கு திரும்பியது.

கடந்த சனிக்கிழமை சுமார் 1.9 மில்லியன் பீப்பாய்கள் வெனிசுலாவின் மெரே கனரக கச்சா எண்ணெயை ஏற்றிச் சென்ற பனாமா கொடியுடன் கூடிய செஞ்சுரீஸ் கப்பலை அமெரிக்க கடலோர காவல்படை முற்றுகையிட்டு நிறுத்தியது.

தடை விதிக்கப்பட்ட கப்பல்கள் அனைத்தும் வெனிசுலாவில் இருந்து வெளியேறினால் அல்லது வெனிசுலாவிற்கு சென்றால், கட்டாயம் முற்றுகையிடப்படும் என ஜனாதிபதி ட்ரம்ப் அறிவித்துள்ளது குறிப்பிடத்தக்கது.