சீமெந்து இறக்குமதி செய்வதில் சிக்கல்!

நாட்டில் சீமெந்து தேவை அதிகரித்துள்ளதாக சீமெந்து  இறக்குமதியாளர்கள் மற்றும் உள்ளூர் உற்பத்தியாளர்கள் தெரிவித்துள்ளனர்.

டொலர் பற்றாக்குறையினால் சீமெந்து இறக்குமதி செய்வதில் சிக்கல்கள் ஏற்பட்டுள்ளதாகவும் குறிப்பிட்டுள்ளனர்.

இதேவேளை 2 இலட்சம் சீமெந்து  பொதிகளுடனான கப்பலொன்று நாளை  நாட்டை வந்தடையவுள்ளதாக தெரிவிக்கப்பட்டுள்ளது.

உள்ளூர் சீமெந்து நிறுவனம்  ஊடாக நாட்டில் மாதாந்தம் 2 லட்சத்து 30 ஆயிரம்  மெட்ரிக் டொன் சீமெந்து  உற்பத்தி செய்யப்படுவதுடன்  மேலும் 2 லட்சம்  மெட்ரிக் டொன்  இறக்குமதி செய்யப்படுவதாகவும் தெரிவிக்கப்பட்டுள்ளது.

எனினும்  தற்போது டொலர் நெருக்கடி காரணமாக , சீமெந்து உற்பத்திக்கு தேவையான மூலப்பொருட்களை இறக்குமதி செய்வதிலும் சிக்கல்கள் ஏற்பட்டுள்ளதாக சீமெந்து நிறுவனங்கள் தெரிவித்துள்ளன.

இதேவேளை கொழும்பு துறைமுகத்தில்  தேங்கியுள்ள  பொருட்களை விடுவிப்பது தொடர்பில்  நாளைய தினம்  வர்த்தக அமைச்சருடன் கலந்துரையாடல் ஒன்று இடம்பெறவுள்ளதாக அத்தியாவசியப் பொருட்கள் இறக்குமதியாளர்கள் சங்கம் தெரிவித்துள்ளது