ட்ரம்பின் அதிரடி வரி விதிப்புகளால் பெரும் ஆதாயங்களை அள்ளப்போகும் ஆசிய நாடு

அமெரிக்காவுக்கு எதிராக சீனாவின் பதிலடி வரி விதிப்புகள் அமுலுக்கு வந்த நாளில், எஃகு மற்றும் அலுமினிய ஏற்றுமதிகளுக்கு வரி விதித்து டொனால்டு ட்ரம்ப் மீண்டும் அதிர்ச்சி அளித்துள்ளார்.

அமெரிக்காவுக்கான எஃகு மற்றும் அலுமினிய ஏற்றுமதிகள் முன்னெடுக்கும் அனைத்து நாடுகளுக்கும் இந்த 25 சதவிகித வரி விதிப்பு என்பது பொருந்தும்.

அமெரிக்காவுடன் நேரடியாகப் பேசி, இந்த வரி விதிப்புகள் எதுவும் அமெரிக்க தேசிய நலனுக்கு உகந்தவை அல்ல என்ற வாதத்தை முன்வைப்பதே ட்ரம்பைப் பின்வாங்கச் செய்வதற்கான ஒரே வழி என பல நாடுகளின் தலைவர்கள் நம்புகின்றனர்.

மட்டுமின்றி, ஒவ்வொரு நாடும் அமெரிக்காவை எதிர்த்து நிற்கவும், ஒரு மூலையில் இருந்து தங்கள் எதிர்ப்பை வெளிப்படுத்த ஒரு வழியைக் கண்டுபிடிக்க வேண்டும் என்றே நிபுணர்கள் தரப்பின் வாதமாக உள்ளது.

ஆனால், இதற்கு பதிலடியாக சீனா, கச்சா எண்ணெய், திரவமாக்கப்பட்ட இயற்கை எரிவாயு, நிலக்கரி, பண்ணை இயந்திரங்கள் மற்றும் பிக்-அப் லொரிகள் மீது 10 முதல் 15 சதவிகித வரிகளை விதித்துள்ளது.

ஆனால், சீன ஜனாதிபதியுடன் பேசிக்கொள்ள எந்த அவசரமும் இல்லை என்றே ட்ரம்ப் கூறியுள்ளார். வரி விதிப்புகளுக்கு விலக்களிக்க சீனா அளிக்கவிருக்கும் வாக்குறுதி என்னவாக இருக்கும் என்ற கேள்வியே தற்போது எழுந்துள்ளது.

மேலும், ட்ரம்பின் அதிரடி வரி விதிப்புகளால் பொருளாதார நெருக்கடிக்கு உள்ளாகும் நாடுகளுக்கு முதன்மையான வர்த்தக கூட்டாளியாக தம்மை முன்நிறுத்த சீனா இந்த வாய்ப்பை மிக அருமையாக பயன்படுத்தும் என்றே கூறப்படுகிறது.

இதனால், ட்ரம்பின் வரி விதிப்பு அதிரடிகளால், சீனா பெரும் ஆதாயங்களை அள்ளப்போவது உறுதி என்றே கூறுகின்றனர்.