தடுப்பூசி இலங்கைக்கு அமெரிக்காவிடம் இருந்து கிடைக்கும் சாத்தியமில்லை!

உலக நாடுகளுக்கு தடுப்பூசிகளை பகிர்ந்தளிக்கும் திட்டத்தின் கீழ், அமெரிக்கா, இலங்கைக்கு அமெரிக்கா ஒதுக்க உள்ள தடுப்பூசிகளின் தொகை மற்றும் அது எப்போது அனுப்பப்படும் என்பதற்கான காலம் என்பன இன்னும் தீர்மானிக்கப்படவில்லை.

அமெரிக்க உணவு மற்றும் மருந்து நிர்வாகம், இன்னும் தெளிவுபடுத்தாததால் அமெரிக்கா, எஸ்ட்ராசெனெகா தடுப்பூசியை இலங்கைக்கு கிடைக்கச் செய்ததற்கான எந்த அறிகுறியும் இன்னும் இல்லை என்று இலங்கை வெளியுறவு அமைச்சகத் தரப்புகள் தெரிவித்துள்ளன.

தென் மற்றும் தென்கிழக்கு ஆசியாவிற்கு அமெரிக்கா ஒதுக்கிய 7 மில்லியன் அளவுகளில் இருந்து இலங்கைக்கும் தடுப்பூசிகள் கிடைக்கும் என்று கடந்த மாதம் அமெரிக்காவால் உறுதியளிக்கப்பட்டது.

எனினும் அளவு மற்றும் காலம் இன்னும் தீர்மானிக்கப்படவில்லை. 25 மில்லியன் கொரோனா வைரஸ் தடுப்பூசிகளைப் பகிர்ந்து கொள்ள அமெரிக்கா இலங்கையையும் மற்ற நாடுகளுடன் தேர்ந்தெடுத்துள்ளது.

உலகெங்கிலும் உள்ள நாடுகளிடமிருந்து தடுப்பூசிகளுக்கான கோரிக்கைகளை அமெரிக்கா பெற்றுள்ளது என்று வெள்ளை மாளிகை தெரிவித்துள்ளது.

இந்தநிலையில் அமெரிக்கா தனது நன்கொடை அளவுகளில் கால் பகுதியை, நேரடியாக தேவைப்படும் நாடுகள்,உடனடி அண்டை நாடுகள் மற்றும் உடனடி அமெரிக்க உதவியைக் கோரிய பிற நாடுகளுடன் பகிர்ந்து கொள்ளும்.

இலங்கையும் தனது அவசரத் தேவையைப் பூர்த்தி செய்ய தடுப்பூசிகளை, அமெரிக்காவிடம் முறையாகக் கோரியிருந்தது, இதில் எஸ்ட்ராசெனெகா தடுப்பூசியின் 600,000 அளவுகளும் அடங்கும்.

இதேவேளை ஒவ்வொரு பிராந்தியத்திற்கும் நாட்டிற்கும் குறிப்பிட்ட ஒழுங்குமுறை மற்றும் பிற காரணிகள் மூலம், தடுப்பூசிகளின் தொகைகள் தீர்மானிக்கப்பட்டு பகிரப்படும் என்று வெள்ளை மாளிகை தெரிவித்துள்ளது.