தேசிய சிறு மற்றும் நடுத்தர நிறுவனங்கள் அமர்வு 2026 நிகழ்வில், சிறு மற்றும் நடுத்தர நிறுவனங்களுக்கான வாய்ப்புகளை வீசா முன்னிறுத்தியுள்ளது

 

இலங்கை வர்த்தக சம்மேளனத்தால் ஏற்பாடு செய்யப்பட்ட Scale Up 2.0, National SME Forum 2026 அமர்வுக்கு ஆதரவளிப்பதன் மூலம், இலங்கையின் சிறு மற்றும் நடுத்தர நிறுவனங்களின் வளர்ச்சித் திட்டத்தை முன்னெடுத்துச் செல்வதற்கான தனது உறுதிப்பாட்டை வீசா வலுப்படுத்தியுள்ளது. நாட்டின் சிறு மற்றும் நடுத்தர நிறுவனங்களின் சூழலமைப்பை வலுப்படுத்துவதற்கும், வணிகங்கள் அதிக நம்பிக்கையுடன் வளர்ச்சி அடைய உதவுவதற்கும் நடைமுறை வழிகளை ஆராய்வதற்காக, இந்த அமர்வு சிறு மற்றும் நடுத்தர நிறுவனங்களின் உரிமையாளர்கள், தொழில்முனைவோர், கொள்கை வகுப்பாளர்கள், நிதி நிறுவனங்கள், பெருநிறுவனங்கள், முதலீட்டாளர்கள் மற்றும் அபிவிருத்திப் பங்காளர்களை ஒன்றிணைத்தது.

 

“Connected. Competitive. Ready to Grow” என்பதை மையக் கருப்பொருளாகக் கொண்டு, இலங்கை சிறு மற்றும் நடுத்தர நிறுவனங்கள் புதிய சந்தைகளை அணுகுவதற்கும், வலுவான வணிக வலையமைப்புகளை உருவாக்குவதற்கும், போட்டித்தன்மையை மேம்படுத்துவதற்கும், நிலையான வளர்ச்சிக்குத் தயாராவதற்கும் Scale Up 2.0 கவனம் செலுத்தியது. சந்தை அணுகல் மற்றும் மதிப்புச் சங்கிலி ஒருங்கிணைப்பு, தரநிலைகள் மற்றும் சான்றிதழ், முதலீட்டுத் தயார்நிலை, நடுத்தர வணிகங்களை விரிவுபடுத்துதல் மற்றும் டிஜிட்டல் புத்தாக்கம் ஆகியவை குறித்த கலந்துரையாடல்கள் இந்த அமர்வில் இடம்பெற்றன.

 

வீசா, பிளாட்டினம் பங்காளராக இந்த அமர்வுக்கு ஆதரவளித்தது. வீசாவின் சார்பில், இலங்கை மற்றும் மாலைதீவு நாடுகளுக்கான முகாமையாளர் அவாந்தி கொலம்பகே உரையாற்றுகையில், சிறு மற்றும் நடுத்தர நிறுவனங்கள் மிகவும் திறமையாகச் செயல்படவும், பரந்த சந்தைகளை அடையவும், உலகப் பொருளாதாரத்தில் அதிக நம்பிக்கையுடன் பங்கேற்கவும் தொழில்நுட்பம், டிஜிட்டல் வர்த்தகம் மற்றும் பாதுகாப்பான பணப்பரிவர்த்தனை உள்கட்டமைப்பு ஆகியவற்றின் பங்கு அதிகரித்து வருவதை எடுத்துரைத்தார்.

 

“இலங்கையின் பொருளாதார மீள்திறன் மற்றும் எதிர்கால வளர்ச்சிக்கு சிறு மற்றும் நடுத்தர நிறுவனங்களே  இதயமாக விளங்குகின்றன. பல்வேறு தொழில்துறைகளில், சிறு மற்றும் நடுத்தர நிறுவனங்கள் அதிக இலட்சியத்துடனும், டிஜிட்டல் விழிப்புணர்வுடனும், தங்களின் உடனடி சந்தைகளுக்கு அப்பாற்பட்ட வாய்ப்புகளுடன் அதிக தொடர்புகளுடனும் மாறி வருவதை நாம் காண்கிறோம். மேலும், தங்களின் செயல்பாடுகளை விரிவுபடுத்தவும், போட்டியிடவும், புதிய வாய்ப்புகளைப் பெறவும் டிஜிட்டல் கருவிகளை அவை எவ்வளவு திறம்படப் பயன்படுத்துகின்றன என்பதைப் பொறுத்தே அவற்றின் அடுத்தகட்ட வளர்ச்சி அமையும். வீசா நிறுவனத்தில், சிறு வணிகங்கள் வேகமாகச் செயல்படவும், மேலும் பரவலாகச் சென்றடையவும், அதிக நம்பிக்கையுடன் போட்டியிடவும் உதவும் புதுமையான கட்டணத் தீர்வுகள், சூழல் அமைப்பு கூட்டாண்மைகள், நிதிசார் அறிவு மற்றும் டிஜிட்டல் திறன் மேம்பாட்டு முயற்சிகள் மூலம் இந்த வளர்ச்சிக்கு ஆதரவளிக்க நாங்கள் உறுதிபூண்டுள்ளோம்,” என்று அவாந்தி கூறினார்.

 

எளிமையான வணிகத் தீர்வுகள், தங்குதடையற்ற டிஜிட்டல் அனுபவங்கள், செயல்பாட்டு மூலதனத்திற்கான எளிதான அணுகல் மற்றும் நம்பகமான நாடு கடந்த கட்டணத் திறன்கள் ஆகியவற்றிற்கான அதிகரித்து வரும் தேவை உட்பட, சிறு மற்றும் நடுத்தர நிறுவனங்களின் எதிர்காலத்தை வடிவமைக்கும் பல போக்குகளையும் அவாந்தி கொலம்பகே எடுத்துரைத்தார். சில்லறை வணிகம், சுற்றுலா, தொழில்நுட்பம், ஏற்றுமதி மற்றும் படைப்பாக்க பொருளாதாரம் ஆகிய துறைகளில் உள்ள வணிகங்களுக்கு, அவற்றின் தனிப்பட்ட செயல்பாட்டு மாதிரிகள் மற்றும் வளர்ச்சி இலக்குகளை மையமாகக் கொண்ட தீர்வுகள் தேவைப்படுவதால், சிறு மற்றும் நடுத்தர நிறுவனத் துறை பெருகிய முறையில் பன்முகத்தன்மை வாய்ந்ததாக மாறி வருகிறது என்றும் அவாந்தி கொலம்பகே அவர்கள் மேலும் குறிப்பிட்டார்.

 

அதிகமான இலங்கை சிறு மற்றும் நடுத்தர நிறுவனங்கள் உள்நாட்டுச் சந்தைகளுக்கு அப்பால் கவனம் செலுத்துவதால், நாடுகளைக் கடந்து பொருட்களை வாங்கவும், விற்கவும், பரிவர்த்தனை செய்யவும் உள்ள திறன் பெருகிய முறையில் முக்கியத்துவம் பெறுகிறது. டிஜிட்டல் வர்த்தகம் மற்றும் உலகளாவிய அளவில் இணைக்கப்பட்ட பணப்பரிவர்த்தனை உள்கட்டமைப்பு ஆகியவை, வணிகங்கள் தங்களின் உடனடிச் சந்தைகளுக்கு அப்பாற்பட்ட வாடிக்கையாளர்கள் மற்றும் விநியோகஸ்தர்களை அணுக உதவுவதோடு, வேகமான, எளிமையான மற்றும் மேலும் வெளிப்படையான பரிவர்த்தனைகளையும் சாத்தியமாக்குகின்றன.

 

சிறு மற்றும் நடுத்தர நிறுவனங்கள் தனிப்பட்ட நிதித் தயாரிப்புகளுக்கு அப்பால் சென்று, தங்களின் தேவைகளைப் புரிந்துகொண்டு வளர்ச்சிப் பயணத்திற்கு ஆதரவளிக்கக்கூடிய நீண்டகாலப் பங்காளர்களைத் தேடுகின்றன என்று அவாந்தி மேலும் கூறினார்.

 

“வீசா போன்ற பங்காளர்களால் சிறு மற்றும் நடுத்தர நிறுவனங்கள் எளிதாகவும் பாதுகாப்பாகவும் பணம் செலுத்தவும் பெறவும் உதவுவதால் பயனடைகின்றன. ஒரு சிறு வணிகம் பணம் பெறுவதற்கும், ஒரு புதிய வாடிக்கையாளரைச் சென்றடைவதற்கும், ஒரு புதிய சந்தையை அணுகுவதற்கும் அல்லது மிகவும் திறமையாகச் செயல்படுவதற்கும் நாங்கள் உதவும்போது, ஒரு பரிவர்த்தனையை விட மேலான ஒன்றை நாங்கள் சாத்தியமாக்குகிறோம். சிறு மற்றும் நடுத்தர நிறுவனங்கள் செழித்து வளர நாங்கள் ஒரு வாய்ப்பை உருவாக்குகிறோம்,” என்று அவர் கூறினார்.

 

இலங்கை வர்த்தக சம்மேளனத்தின் தலைவர் திரு. கிறிஷான் பாலேந்திரா கூறுகையில், “சிறு மற்றும் நடுத்தர நிறுவனங்கள் குறித்த உரையாடலை வெறும் விருப்பத்திலிருந்து செயலுக்கு நகர்த்துவதற்காகவே Scale Up 2.0  வடிவமைக்கப்பட்டுள்ளது. இலங்கையின் தொழில்முனைவோர் நம்பிக்கையுடன் வளர்ந்து, பாரம்பரிய எல்லைகளைத் தாண்டிப் போட்டியிட வேண்டுமானால், அவர்களுக்குச் சந்தைகள், நிதி, தொழில்நுட்பம், தரநிலைகள் மற்றும் மூலோபாயக் கூட்டாண்மைகளுடன் வலுவான தொடர்புகள் தேவை. இலங்கை வர்த்தக சம்மேளனம் என்ற முறையில், சரியான பங்குதாரர்களை ஒன்றிணைத்து, சிறு மற்றும் நடுத்தர நிறுவனங்கள் நிலையான முறையில் வளர்ச்சி அடையத் தேவையான அறிவு, வலையமைப்புகள் மற்றும் வாய்ப்புகளை அணுக உதவும் தளங்களை உருவாக்குவதில் நாங்கள் உறுதியாக உள்ளோம்,” என்றார்.

 

கைத்தொழில் மற்றும் தொழில் முயற்சியாண்மை அபிவிருத்தி அமைச்சின் கைத்தொழில் மற்றும் தொழில் முயற்சியாண்மை அபிவிருத்தி பிரதி அமைச்சர் கௌரவ சதுரங்க அபேசிங்க அவர்கள், “இலங்கையின் சிறு மற்றும் நடுத்தர தொழில் துறை, அனைவரையும் உள்ளடக்கிய அபிவிருத்தி, ஏற்றுமதி, புத்தாக்கம் மற்றும் வேலைவாய்ப்பு ஆகியவற்றின் மிக வலிமையான உந்துசக்திகளில் ஒன்றாக உருவெடுக்கும் மகத்தான ஆற்றலைக் கொண்டுள்ளது. உள்ளூர் மற்றும் உலகளாவிய சந்தைகளில் வெளிக்கொணரப்படக் காத்திருக்கும் ஒரு குறிப்பிடத்தக்க, பயன்படுத்தப்படாத பொருளாதார வாய்ப்பு உள்ளது. ஆனால், அதை நனவாக்குவதற்கு எதிர்காலத்திற்குத் தயாரான வணிகங்கள், வலுவான டிஜிட்டல் பயன்பாடு, நிதிக்கான மேம்பட்ட அணுகல் மற்றும் அரசாங்கம், கைத்தொழில், பணம் செலுத்தும் முறைகள் மற்றும் அபிவிருத்தி பங்காளிகளிடையே நெருங்கிய ஒத்துழைப்பு ஆகியவை தேவைப்படும். சிறு மற்றும் நடுத்தர தொழில் நிறுவனங்கள் போட்டியிடவும், விரிவடையவும், நாட்டின் அடுத்தகட்ட பொருளாதார வளர்ச்சிக்கு அர்த்தமுள்ள பங்களிப்பை வழங்கவும் உகந்த சூழலை உருவாக்குவதே எங்களின் நோக்கமாகும்,” என்று கூறினார்.

 

Scale Up 2.0-இல் வீசாவின் பங்கேற்பு, வணிகங்களின் டிஜிட்டல் மேம்பாட்டிற்கு ஆதரவளிப்பதிலும், இலங்கை சிறு மற்றும் நடுத்தர தொழில் நிறுவனங்கள் ஒன்றிணைந்து, போட்டியிட்டு, வளரக்கூடிய ஒரு சூழலமைப்பை வலுப்படுத்துவதிலும் அதன் தொடர்ச்சியான கவனத்தைப் பிரதிபலிக்கிறது. நாட்டின் சிறு மற்றும் நடுத்தர தொழில் துறை தொடர்ந்து வளர்ச்சியடைந்து வருவதால், தொழில்முனைவோர் தங்கள் இலட்சியத்தை நீடித்த பொருளாதார வாய்ப்பாக மாற்றுவதற்கு உதவுவதில் பொது மற்றும் தனியார் துறைகள், நிதி நிறுவனங்கள், தொழில் அமைப்புகள் மற்றும் தொழில்நுட்ப வழங்குநர்களுக்கு இடையேயான ஒத்துழைப்பு தொடர்ந்து முக்கியத்துவம் வாய்ந்ததாக இருக்கும்.

 

Visa Inc. தொடர்பான விபரங்கள்: வீசா (NYSE: V) என்பது டிஜிட்டல் வழியில் பணம் செலுத்துதலில் உலக அளவில் முன்னணியில் உள்ள ஒரு நிறுவனமாகும். இது 200-க்கும் மேற்பட்ட நாடுகள் மற்றும் பிராந்தியங்களில் நுகர்வோர், வணிகர்கள், நிதி நிறுவனங்கள் மற்றும் அரசாங்க அமைப்புகளுக்கு இடையேயான பரிவர்த்தனைகளை எளிதாக்குகிறது. மிகவும் புதுமையான, வசதியான, நம்பகமான மற்றும் பாதுகாப்பான பணம் செலுத்தும் வலையமைப்பின் மூலம் உலகை இணைத்து, தனிநபர்கள், வணிகங்கள் மற்றும் பொருளாதாரங்கள் செழிக்க வழிவகுப்பதே எங்கள் நோக்கம். எல்லா இடங்களிலும் உள்ள அனைவரையும் உள்ளடக்கி, எல்லா இடங்களிலும் உள்ள அனைவரையும் மேம்படுத்தி, பணப் பரிமாற்றத்தின் எதிர்காலத்திற்கு அணுகலை அடித்தளமாகக் கருதும் பொருளாதாரங்களையே நாங்கள் நம்புகிறோம். மேலும் விபரங்களை அறிய Visa.com-ஐப் பார்வையிடவும்.