ஹார்முஸ் நீரிணையை கடந்த மர்ம எண்ணெய் கப்பல்- 5 ஆண்டுகளுக்கு முன்பே சிதைக்கப்பட்டதாக பதிவு

மத்திய கிழக்கு பகுதியில் ஈரான்-இஸ்ரேல்-அமெரிக்கா இடையிலான போர் சூழ்நிலை தீவிரமாக இருக்கும் நிலையில், ஹோர்முஸ் நீரிணை வழியாக “ஜாம்பி” என அழைக்கப்படும் மர்ம கப்பல்கள் கடந்து செல்கின்றன.

சமீபத்தில், நபீன் (Nabiin) என அடையாளம் காட்டப்படும் எண்ணெய் கப்பலொன்று, ஹார்முஸ் நீரிணையை கடந்ததாக கப்பல் கண்காணிப்பு தரவுகள் தெரிவிக்கின்றன.

ஆனால், இந்த கப்பல் 2002-இல் கட்டப்பட்டு, 5 ஆண்டுகளுக்கு முன் பங்களாதேஷில் சிதைக்கப்பட்டதாக (Scarpped) அதிகாரப்பூர்வ பதிவுகள் கூறுகின்றன.

இதற்கு முன், ஜமால் (Jamal) என அடையாளம் காணப்படும் மற்றொரு LNG கப்பலும், கடந்த ஆண்டு இந்தியாவில் சிதைக்கப்பட்டதாக பதிவு இருந்தபோதும், ஹோர்முஸ் வழியாக கடந்தது.

இவ்வாறு சிதைக்கப்பட்ட கப்பல்களின் அடையாளத்தைப் பயன்படுத்தி புதிய கப்பல்கள் இயங்குவது ‘zombie tanker’ என அழைக்கப்படுகிறது.

இந்த மர்ம கப்பல்கள், ஹோர்முஸ் நீரிணை வழியாக சரக்குகளை கடத்த கப்பல் உரிமையாளர்கள் எவ்வளவு சிக்கலான முறைகளைப் பயன்படுத்துகின்றனர் என்பதை வெளிப்படுத்துகின்றன. போர் சூழ்நிலையில், உலகளாவிய எரிசக்தி சந்தைக்கு இது மிகப் பெரிய சவாலாகும்.