சஜித் தலைமையில் புதிய கூட்டணி உதயமாகிறது!
எதிர்க்கட்சித் தலைவர் சஜித் பிரேமதாச தலைமையில் புதியதொரு அரசியல் கூட்டணி உதயமாகவுள்ளது என தெரியவருகின்றது.
அக்கூட்டணிக்கு ‘ஐக்கிய மக்கள் கூட்டணி’ என பெயரிடப்படவுள்ளது எனவும், அடுத்த இருவாரங்களில் கூட்டணி குறித்த அதிகாரப்பூர்வ அறிவிப்பு வெளியாகவுள்ளது எனவும் தெரியவருகின்றது.
தமிழ் முற்போக்கு கூட்டணி, ஶ்ரீலங்கா முஸ்லிம் காங்கிரஸ், அகில இலங்கை மக்கள் காங்கிரஸ் மற்றும் ஜாதிக ஹெல உறுமய ஆகியன தற்போது சஜித் அணியுடன் கூட்டணி வைத்துள்ளன என்பது குறிப்பிடத்தக்கது.
ஐக்கிய தேசியக்கட்சியின் தலைமைப்பதவியில் மாற்றம் ஏற்படும் பட்சத்தில் அக்கட்சியும் இணைத்துக்கொள்ளப்படவுள்ளது.