சினிமா துறையில் அறிமுகமாகும் ராகவா லாரன்ஸ் மகள்..

‘முனி’ படத்தை முதன்முதலாக டைரக்ட் செய்ததுடன், அதில் நடித்து பலரது பாராட்டையும் பெற்றிருந்தார். அதனை தொடர்ந்து அவர் நடிப்பில் வெளியான காஞ்சனா திரைப்படம் ஹிட் கொடுத்தது.

அதனையடுத்து, பேய், அமானுஷ்ய படங்களிலேயே முழு கவனத்தை செலுத்தினார். அவரின் படங்களுக்கு மக்கள் மத்தியில் மட்டுமல்லாது குழந்தைகளின் மத்தியிலும் அமோக வரவேற்று காணப்படுகின்றது.

தற்போது காஞ்சனா நான்காம் பாகத்தை எடுத்து வருகிறார். அது மட்டுமின்றி லோகேஷின் LCUவில் பென்ஸ் என்ற படத்தில் அவர் நடித்து வருகின்றார்.

லாரன்ஸின் முந்தைய படங்களான சந்திரமுகி 2, ஜிகர்தண்டா டபுள் எக்ஸ் போன்ற படங்கள் பெரிய அளவில் வரவேற்பை பெறாத நிலையில் அடுத்து அவரது ரசிகர்கள் காஞ்சனா 4 படத்தை தான் எதிர்பார்த்து காத்திருக்கிறார்கள்.

நடிகர் ராகவா லாரன்ஸின் மகள் ராகவி அமெரிக்காவில் சினிமா பற்றிய படிப்பை முடித்து தற்போது நாடு திரும்பியுள்ளார்.

அவரை விரைவில் இயக்குனராக தமிழ் சினிமாவில் அறிமுகப்படுத்த லாரன்ஸ் முடிவெடுத்து இருக்கிறாராம். விரைவில் ராகவா லாரன்ஸ் மகள் இயக்கும் படம் பற்றிய அறிவிப்பு வரும் என சினிமா வட்டாரத்தில் பேசப்படுகிறது.

அவர் வழக்கமான பாதையிலிருந்து விலகி, திரைப்படத் தயாரிப்பில் கவனம் செலுத்துவதால், இந்த முடிவு திரையுலக வட்டாரங்களில் கவனம் பெற்றுள்ளது.