நேரலையில் அம்பலமான உண்மையான தோற்றம் 1.40 இலட்ச ரசிகர்களை இழந்த பிரபலம்!!

நேரலையில் அம்பலமான உண்மையான தோற்றம் – Filter அகன்றதால் – 4 நொடியில் 1.40 லட்சம் ரசிகர்களை இழந்த சீனப் பிரபலம்!

நேரலையில் கழன்ற ‘பியூட்டி பில்டர்’: 4 நொடிகளில் 1.40 லட்சம் ரசிகர்களை இழந்த சீனப் பிரபலம்!
பெய்ஜிங்: சீனாவில் சமூக ஊடகப் பிரபலம் ஒருவர் நேரலையில் (Live) பேசிக்கொண்டிருந்தபோது, எதிர்பாராத விதமாக ஏற்பட்ட தொழில்நுட்பக் கோளாறால் தனது லட்சக்கணக்கான ரசிகர்களை இழந்துள்ள சம்பவம் பெரும் பரபரப்பை ஏற்படுத்தியுள்ளது.

சமூக ஊடகங்களில் பொம்மை போன்ற அழகான தோற்றத்திற்காகப் புகழ்பெற்ற குறித்த இளம்பெண், அண்மையில் தனது ரசிகர்களுடன் நேரலையில் உரையாடிக்கொண்டிருந்தார். அப்போது அவர் தன்னை அழகாகக் காட்டிக்கொள்ளப் பயன்படுத்திய ‘பியூட்டி பில்டர்’ (Beauty Filter) மென்பொருளில் திடீரென கோளாறு ஏற்பட்டது. இதன் காரணமாக, ஒரு சில நொடிகள் அந்த பில்டர் செயலிழந்து, அவரது உண்மையான முகத்தோற்றம் திரையில் தெரிந்தது.

காணொளியில் பெரிய கண்கள், கூரான தாடை மற்றும் பளபளப்பான தோற்றத்துடன் தெரிந்த அந்தப் பெண்ணின் நிஜ முகம், சாதாரணமான தோற்றத்தில் இருந்ததைக் கண்டு ரசிகர்கள் அதிர்ச்சியடைந்தனர். பில்டர் மூலம் காட்டப்பட்ட தோற்றத்திற்கும் நிஜத்திற்கும் இடையில் மலைக்கும் மடுவுக்கும் இடையிலான வித்தியாசம் இருந்ததாகக் கூறப்படுகிறது. இதனால் அதிருப்தியடைந்த சுமார் 1,40,000 ரசிகர்கள், அந்தப் பெண்ணைப் பின்தொடர்வதிலிருந்து (Unfollow) உடனடியாக விலகிக்கொண்டனர்.

இந்தத் தொழில்நுட்பக் கோளாறு ஏற்பட்டபோதும், அந்தப் பெண் சற்றும் பதற்றமடையாமல் எதையும் கவனிக்காதது போலவே தனது நேரலையைத் தொடர்ந்துள்ளார். எனினும், அவரது இரு வேறு முகத்தோற்றங்களையும் காட்டும் அந்த 4 விநாடிக் காணொளித் துண்டு தற்போது இணையதளங்களில் தீயாய்ப் பரவி வருகிறது.

இந்தச் சம்பவம் குறித்து இணையவாசிகள் மத்தியில் இருவேறு கருத்துக்கள் நிலவுகின்றன:

பலரும் அந்தப் பெண்ணின் செயலை ‘ஏமாற்றுவேலை’ என விமர்சித்து வருகின்றனர்.

இன்னும் சிலரோ, “அந்தப் பெண் நிஜத் தோற்றத்திலேயே அழகாகத் தான் இருக்கிறார்; இந்த பில்டர் தான் அவரை பேய் போலக் காட்டியுள்ளது” என அவருக்கு ஆதரவாகக் கருத்துத் தெரிவித்து வருகின்றனர்.

செயற்கை அழகை விட யதார்த்தமான தோற்றமே சிறந்தது என்பதை இந்தச் சம்பவம் மீண்டும் ஒருமுறை சமூக ஊடக உலகில் விவாதப் பொருளாக்கியுள்ளது.