அமெரிக்காவின் முக்கிய ஆயுதத்தை தாக்கி அழித்த ஈரான்!

ஹோர்முஸ் நீரிணைக்கு மேலே பறந்த அமெரிக்க தயாரிப்பான MQ-1 ரக ஆளில்லா விமானத்தை (ட்ரோன்) தங்கள் வான் பாதுகாப்பு அமைப்பு இடைமறித்து அழித்ததாக ஈரானின் புரட்சிகர காவல்படை (IRGC) தெரிவித்துள்ளது.

ஈரானிய ஒலிபரப்பு நிறுவனமான IRIB வெளியிட்ட அறிக்கையின்படி இந்தத் தகவல் தெரியவந்துள்ளது.

MQ-1 என்பது அமெரிக்காவில் தயாரிக்கப்பட்ட, தொலைவிலிருந்து இயக்கப்படும் ஒரு ஆளில்லா விமானமாகும். இது பெரும்பாலும் கண்காணிப்பு மற்றும் உளவு பார்க்கும் பணிகளுக்காகப் பயன்படுத்தப்பட்டு வருகிறது.

இந்நிலையில், ஈரானின் இந்த அறிக்கை தொடர்பாக அமெரிக்கா இதுவரை அதிகாரப்பூர்வ கருத்துக்கள் எதையும் வெளியிடவில்லை.

Image Credit:migflug

முன்னதாக, ஹோர்முஸ் நீரிணையின் நுழைவாயிலில் அமெரிக்காவின் ஆளில்லா நீர்மூழ்கிக் கப்பல் ஒன்றைக் கைப்பற்றியதாகவும் IRGC-யின் கடற்படைப் பிரிவு தெரிவித்திருந்தது குறிப்பிடத்தக்கது.