இஸ்ரேலிய பிரதமருக்கு புற்றுநோய் பாதிப்பு!

இஸ்ரேல் பிரதமர் பெஞ்சமின் நெதன்யாகு (76), தனக்கு ஆரம்பகட்ட புரோஸ்டேட் புற்றுநோய் (Prostate Cancer) பாதிப்பு இருந்ததாகவும், அதற்கான கதிரியக்கச் சிகிச்சை (Radiation Therapy) தற்போது வெற்றிகரமாக முடிவடைந்து தான் ஆரோக்கியமாக இருப்பதாகவும் இன்று அதிகாரப்பூர்வமாக அறிவித்துள்ளார்.

2024 டிசம்பரில் அவருக்கு மேற்கொள்ளப்பட்ட அறுவை சிகிச்சைக்குப் பிறகு நடத்தப்பட்ட பரிசோதனையில், ஒரு சென்டிமீட்டருக்கும் குறைவான சிறிய புற்றுநோய் கட்டி கண்டறியப்பட்டது. சுமார் இரண்டரை மாதங்களாகத் தீவிர சிகிச்சை பெற்று வந்த அவர், தற்போது அந்தக் கட்டி முழுமையாக நீக்கப்பட்டுள்ளதாகத் தெரிவித்துள்ளார்.

ஈரானின் பொய்ப் பிரச்சாரங்களுக்கு இடமளிக்கக் கூடாது என்பதற்காகவே இந்தத் தகவலை இவ்வளவு காலம் ரகசியமாக வைத்திருந்ததாக அவர் விளக்கம் அளித்துள்ளார்.