முஹம்மத் நபியை இழிவுப்படுத்திய சவுதி பெண்ணுக்கு மரண தண்டனை..!!

கைது செய்யப்பட்ட சவூதி பெண்ணுக்கு மரண தண்டனை! சவுதி நீதிமன்றம் அதிரடி தீர்ப்பு!

​அண்மையில் சவுதி அரேபியாவைச் சேர்ந்த “சாரா திவா” என்ற பெண் சவுதி அரேபிய காவல்துறையினரால் கைது செய்யப்பட்ட விவகாரத்தின் பின்னணியில், அவருக்கு மரண தண்டனை விதிக்கப்பட்டுள்ளதாக செய்திகள் வெளியாகியுள்ளன.

​கடந்த அக்டோபர் 06-ஆம் தேதி சவுதி அரேபியாவின் தலைநகரமான ரியாத் நகரில் வைத்துக் கைது செய்யப்பட்டதாகக் கூறப்படும் “சாரா திவா” என்பவர், “2030-க்குள் நிகாப் வேண்டாம்” என்று சமூக வலைத்தளத்தில் இஸ்லாமிய மார்க்கத்திற்கு முரணாகவும், முகமது நபி அவர்களை விமர்சித்தும் டிக் டாக் காணொளி ஊடாகப் பேசியதாக எழுந்த குற்றச்சாட்டுகளுக்கு மத்தியிலும், பலத்த கண்டனங்களுக்கு மத்தியிலும் சவுதி அரேபிய காவல்துறையினரால் தேடப்பட்டு கைது செய்யப்பட்டிருந்தார்.

​கைது செய்யப்பட்ட பெண்ணை விசாரணைக்கு உட்படுத்திய காவல்துறையினர், அவருடைய சமூக வலைத்தளக் கணக்கில் குறித்த காணொளி தொடர்பான ஆதாரங்களைக் கண்டறிந்தனர்.

இதனைத் தொடர்ந்து அவரது சமூக வலைத்தளக் கணக்குகள் முடக்கப்பட்டு, இம்மாதம் 11-ஆம் தேதி வரை அவர் சிறையில் அடைக்கப்பட்டார்.

​இதனைத் தொடர்ந்து, இன்று சவுதி அரேபியாவின் ரியாத் சிறப்பு குற்றவியல் நீதிமன்றம் (Specialized Criminal Court – SCC) அவருக்கு மரண தண்டனை விதித்துத் தீர்ப்பளித்துள்ளது.

​சவுதி அரேபியாவின் சட்ட அமைப்பு இஸ்லாமிய ஷரீஆ சட்டத்தை அடிப்படையாகக் கொண்டது. குற்றம் சட்ட நடைமுறைகளின்படி நிரூபிக்கப்பட்டால், குற்றத்தின் தன்மைக்கு ஏற்ப கடுமையான தண்டனைகள்—சிறைத்தண்டனை முதல் மரண தண்டனை வரை—விதிக்கப்படும் என்பது குறிப்பிடத்தக்கது.